اكون ليكي ؟

 https://youtu.be/Q_iyylwd_gQ

شكراً

انا بعرف اقول : شكراً

و  "العفو" إن غيري يقول

انا بعرف اقول : آسف ، 

لك حق كبير جدا

لو حتى منيش مسئول 

و ابسط مما تتخيل

انزلك لما تمييل

لا بحايل و لا تتحايل

شييل احمالك شييل

إن كان عذرك / مقبول

شبعت ليالينا تساؤل !

لسه هنسأل على طول

بينا تشاؤم و تفاؤل

نعشم ف اخيرها يطول

أيها تعاقيد و مشاغل 

وييا الايام  بتزول

و اجمل مما بنتشاكل

نلقا لمشاكلنا حلول

و انا بعرف اقول : شكراً

و  "العفو" إن غيري يقول . . .

جايز جزات الصبر

"لا تخض مع الخائضين"

قالها و عزف 

يا سامعين

من بعد راست لصبا

جالت ساعات الصبا

و الدمع خالي القيود

و الهم خالي الوجود

و الحزن خالي الدسم

و الورد خالي الشوك

و الفرح ف المعمعه

و مش مهم ازاي 

العب ايه هيكون

قد المهم يكون

لعب الزمن لعبته 

و اتغير المضمون

 ...

مش كبر ؛ مش إمعه

جايز جزات الصبر

مابقاش لخلقه السعه

و لحد باب القبر

الدنيا "ضد و مع"

قالها و عزف 

"تقاسيم"

جالت ساعات الصبا

يا طعمه يا غرييبه

يا ذكرى بنت الشجر

بعيده و قرييبه

ليه بس اجمل سفر

هو الهوا ف السهر

ليه بس قلب الولد

هاوي ساعات السحر

شاء الدماغ او آبا

ف القلب سهمك نفد

و قال له : يا مرحبا

عبره لمن يعتبر

 

ابكي على ليلاك

رآى ما لا يرضيه

سعى مع الظالمين

الا طوبى للغرباء

و لا طوبى للمعاتيه

و اللمامين اوزار

زايدوا على الرايحين

ع الفل و الراياحين

على حينا غره نباح

على شكلة العناوين

كلن فيما يعنيه

لا يبكي على ليلاه

فرحان ف مين مع مين ! 

ايه العمل ف التيه ؟

ابكي على ليلاك

_يا الحلم لو ترتاح_

و اطلق سراح البال

ارض العرب ف جراح

امتى الفروق تتشال

و يا شوق يا "فرد" "وزار"

داير على رجليك

جناحاتك القادرين

مقصوصه م المضامين

ايه غيتك ف الروح

و غيتك ف ضنين

ابكي على ليلاك

_يا الحلم لو ترتاح_

و اطلق سراح البال

ارض العرب ف جراح

امتى الفروق تتشال

إن راح "صلاح الدين"

لساه صلاح الحال

حلم و حقيقه

 

ايه بعد حلم و حقيقة ؟

يا مستبدة  و رقيقة

قلبي اللي كان شيخ طريقة

زهدت كعوبه الدروب

 

يدوب ف هجر

وتوحشيه ف يدوب

يدوب

دقيقة بدقيقة

يشرق ف يملاه الغروب

لكن بخطوه بطيئه

 

لا بحره قوت القلوب

ولا الوحيده الغريقه

تقيدي فيه الحروب

و تهوي دور البريئه

و لا هدنه فيه لا سلم

و لا انتي عندك علم

 

و في كل خطوه يدوب

و ف كل خطوه دروب

دروب تشيل و دروب

تقيد ف دمه حريقه

 

يعني قدر مكتوب

يبقا اشتياقك سريقه

و يبقا كبشة حبوب

و انتي الكناريا و طليقه

بختك يا ابو بخيت

بختك يابو بخيت مش كيفك

يعني فراق ف فراق ؟!

عُمر و ضاع غرقان ف نزيفك

هجرك ، و الاشواق ؟!

 

قلبك / بيت مهجور و مترّب

واللي ماليه / دُخان

شرّق فيك النور و اتغرّب

واللي باقيلك / خان

بعد ما قلبك بيه اتشرّب

قال : الهجر بسيط

 

جرّك خطوه ف خطوه و سابك

وسط سواقي تدور

لكن لو هتعيد ف حسابك

تلاقياك مش معذور

 

سيبت حبال الروح ع الغارب

للي ماكنش امين

واتعلقت ف خيطه الدايب

لكن قُلت : متين

ايه المانع لما تجرب

بعد ما قلبك بيه اتشرب

بدل الفرح بكيت

 

لابس وش العادي بقوه

وانت ما بين الناس

نازل دمعك بس لجوه

من ضهر البرواز

 

امتى الهوى يفتحلك بابه

من غير زيف وخداع

نص حياتك راح ف عتابه
نصه التاني / وداع .

اخرة مجاهلك

فيض شوف يا نيل الشبك لك

مين فخ رامي الشبك لك 

مين العدو و اللي جاهلك .. شوف

اخرة مجاهلك 

ف جه لك .. فيض

و شوف 

دا اللعب ع المكشوف

مفيهش كسوف ؛ يا نيل 

قلبك مايعرف خوف

ما يغيبش عن زهرك نصيب

و لا شعره من ليلك تغيب

 و لا ليك على المقسوم بدل

يا طلتك ضرب المثل

 اقطع حبال الجدل

و شوف

دا اللعب ع المكشوف

مفيهش كسوف ؛ يا نيل

قلبك مايعرف خوف

كل يوم في الحب

في كل عيد حب
أحب اشكر زميلتي في الشغل , اللي طلبت اكتبلها
رساله تبعتها لحبيبها ف كانت مطلع الغنوة دي :

كل يوم ف الحب عيد
طول م ناره بعيد

و بينا .. حبل ود و نوراكيد

كل يوم ف الحب جنه

سلسبيلنا ف نبع خام

و السبيل الخام
سبيلنا
لا نريد كسر الرخام
و العكار ف الصفو بينا
قلبنا ع النبع
حارس
لو رصيد القرب
خالص
حُـبنا
مش بس يوم
كل يوم عن يوم يزيد .
#محمد_سلامة

تراتيل بُكا ,, أغنية من ديوان " فتَّحي يا ثورة "

#‏تراتيل_بكا‬
غناء : منه صالح _ ريهام عادل _ مصطفى علام _ وليد سيف
ألحان و توزيع : جمال رشاد
كلمات : العبد لله

امل معكوس & عتاب مبلول - محمد سلامة

من ديوان فتَّحي يا ثورة

فتَّحي يا #ثورة " حالياً بالمكتبات

اماكن تواجد " فتَّحي يا #ثورة " حاليا بالمكتبات التالية : 

 

:: مكتبة البلد شارع محمد محمود _ وسط البلد

:: مكتبة تنمية شارع هدى شعراوي _ وسط البلد
:: مكتبة أفاق شارع هدى شعراوي _ وسط البلد
:: مكتبة ليلى شارع جواد حسني _ وسط البلد
:: مكتبات الكتب خان (شارع اللاسلكي المعادي - ودجلة المعادي)
:: مكتبة أنتيكا _ شبين الكوم
:: مكتبة ميرامار الإبراهيمية _ الإسكندرية

و الباقيه تأتي :)

خبر عن فتَّحي يا #ثورة .. على #البوابة_نيوز

خبر عن فتَّحي يا #ثورة .. على #البوابة_نيوز

قريبا.. "فتّحي يا ثورة" ديوان بالعامية المصرية عن دار روافد

نضال ممدوح

الجمعة 29-08 - 06:52 م

(0) تعليقات

 18  0 Google +0 

ديوان " فتحي يا ثورة"

 

يصدر قريبًا عن دار " روافد" للنشر والتوزيع ديوان شعري بالعامية المصرية بعنوان " فتّحي يا ثورة" للشاعر محمد سلامة ٬ ومن قصائد الديوان:
محشور ف قلب قلوب الغدر من طبعها
قلبي ميزان مقلوب وشال فوقيه غدرها
واما المرار فاض بيه.. كان مستحيل يخفيه
وإزاي هايخفي ذنوب ماشالشي يوم ذنبها
غلبي

 

http://www.albawabhnews.com/760120