لـفين الروح ؟؟
جبال على قلبي مش ريشه / لـفين الروح ؟؟
لـفين الروح ؟؟
و فين العيشه ف العيشه / و انا .. مطروح
لـفين الروح ؟؟ يا تنهيده
بعيده / صداها عن روحي
وفاض نوحي .. يا مين "نوحي"
سفينه و حاطه ف الهيشه !!؟
لـفين الروح ؟؟
بسييييييييط الحال .. و بندهلك
و من اهلك .. و مش محسوب
و كنتي ازاز .. ماكنتش / طوب
ولا خُلخال .. ولا غويشه ؟؟
يا روح الروح . . .
صداكي منين وانا اجي
و اناجي .. عساكي مش ريما
"يدوم الشاي" .. بتلقيمه
يدوم الناي .. بتطنيشه
لـفين الروح ؟؟
غلبت ازغزغ الاسفلت
لعل البخت
.. يتزحزح
و اشوفك / طاقه تتلحلح
تحلى المُر ف العيشه
اشوف فيكي روح .. ترُد الروح .
........................
ليست هناك تعليقات:
إرسال تعليق