يا مرسومين ع الحيطان
ف الشوارع و النواحي مكان .. مكان
ماتزعلوش
الحيتان المسعورين .. مايقدروش
يمسحوكو من حيطان الذاكره
من قلوب الطيبين .. الشبعانين
شبع السنين القاهره ..
...... مُر الزمن
يا مرسومين ع الحيطان
ف "القاهره" .. وف كُل أنحاء الوطن
روحكم .. وطن
راسخ ف قلب الطيبين
اما دوكها قلبُّهم
صابهُ .. عفن
عاشوا حياتهم .. من ورا
علشان قروش
يا مرسومين مش مانسيين .. ماتزعلوش .
من ديوان #فتَّحي_يا_ثورة
عن دار #روافد للنشر والتوزيع
حالياً بالمكتبات
